lectura de prueba kiche -2
¿jas kinbʼano rech kintzijon kukʼ ri nunan nutat?
chachomaj wajun jastaq: jun miércoles bʼenaq qʼij. Luis, che kʼo 17 ujunabʼ, ya xukʼis ri uchak re tijobʼal are chi tiempo che kuxlanik.
¡qas taqal che! xutzij ri televisor xuqujeʼ xtʼuyiʼ pa ri utem che qas utz krilo. tekʼuriʼ, xaq kʼateʼ xok bʼi ri utat pa ri uchiʼja petinaq royowal.
«¡Luis!» ¿jas tajin kabʼano xaq tajin kasach atiempo che rilik televisión? rajawaxik che katoʼ ri achaqʼ che ri uchak re tijobʼal.
«¡kʼo ta jumul kabʼan ri kbʼix chawe!». «xamaj chi jumul», kchaʼ Luis rukʼ wichʼwitem. ri utat xqebʼ rukʼ xuqujeʼ xutaʼ che «¿jas xabʼij?».
«kʼo taj, tat», xchaʼ Luis petinaq royowal.Ri utat sibʼalaj petinaq royowal. «¡kabʼij ta wariʼ chwe!», xchaʼ che.
wet at, at Luis, ¿jas kabʼan riʼ rech katopan ta pa wajun jastaq riʼ?, qas chachomaj, we tajin kabʼinisaj jun chʼichʼ tekʼuriʼ katopan pa jun lugar che tzʼapim ri bʼe, katzukuj chi jun bʼe.
junam rukʼ wariʼ, katkunik katzukuj chi nikʼaj ubʼanik rech kattzijon kukʼ ri anan atat.jun kʼutbʼal: «kinkun taj kintzijon rukʼ ri nutat —kchaʼ Maria—.
jujun mul, qʼaxinaq chi jubʼiqʼ tiempo che tajin kintzijon rukʼ, tekʼuriʼ kutaʼ chwe: ‹chasachaʼ numak ¿la kʼo kabʼij chwe?›». Maria kʼo oxibʼ jastaq che kkunik kubʼano kuraq uchiʼ chrij ri utat.
Maria kubʼij: «¡chinatatabʼej! ¡rajawaxik ri kinbʼij chawe!». kchʼaw ta chi chrij ri xkʼulmatajik. Maria kraj ta chik kchʼaw rukʼ ri utat chrij ri xkʼulmatajik.
kutzukuj chi jun tiempo rech ketzijonik. Maria ktzijon rukʼ ri utat chrij ri xkʼulmatajik are chiʼ qʼaxinaq chi jubʼiqʼ tiempo o kutzʼibʼaj pa jun wuj ri kuchomaj. ¿jas kabʼij at che kubʼan Maria? chachomaj wariʼ:
ri utat ri Maria tajin kuchomaj jun chi jastaq xuchʼobʼ ta ri xkʼulmatajik, wet Maria xuchaʼ ri opción a che kuraq uchiʼ chrij ri utat, ri utat kuchʼobʼ ta riʼ jasche jelaʼ kubʼano.
